سيارات

ملف كامل عن مشاكل الكبالن وحلولها

متابعة _ عبدالرحمن شاهين 

عيوب الكبالن وحلولها ملف شامل للناس اللي فجأة بتلاقي الكوبلن الخارجي اتكسر ووقفت بيها العربية الناس اللي بتروح ترصص وتظبط زوايا وتغير كاوتش علشان رعشة والعيب زي ماهو البوست ده ليهم هما اولا الطقطقة :لوظهر صوت طقطقة متواصلة في الملفات بالطريقة دي تك تك تك تك تك  يبقا كوبلن خارجي وتشخيصه سهل بالعين اكسر العجل أقصي اليمين او الشمال وشوف الكاوتشة بتاعة الكوبلن اللي هتلاقيها مقطوعة يبقا هيا اللي الكوبلن بتاعها بايظ المحافظة عليه المتابعة الدورية لكاوتشة الكوبلن حتي لو كل اسبوع ودي مش محتاجة فني  ولو باظ مفيش حل غير التغيير لان أي محاولة لإصلاح الكوبلن الخارجي فاشلة وغير مجدية ومصاريف ع الفاضي ومش لازم تغير الطقم الخارجي لما واحد يبوظ مش تيل فرامل هو  الكبالن الخارجي مش بتأثر علي بعض غير التالف فقط خلاص كدا ندخل علي الداخلي صحيح مش اي طقة في ملف تبقا كوبلن خارجي لوطقة واحدة مثال تك وتروح ممكن يبقا جلب مقص حاجة تخص العفشة اه مش كل حاجة تربطها بالكوبلن  الكوبلن الداخلي يعمل رجة أو رعشة أو دردرة او هزةالمصطلح اللي تحبوه اهو في السرعات دي ٢٠/٤٠ او٣٠/٥٠ او٤٠/٦٠ أو ٧٠/٩٠ أو ٦٠/٨٠ ودي تختفي لما تشيل رجلك من ع البنزين أو تمور العربية لو منوال أو لو جبتها N لواتو  وطبعا دي بيلتبس عليها الأمر وبيختلف ناس كتير في تشخيصها ودي حلها اولا الكشف وحسب مدي تلفه لو التلف بسيط يمكن إصلاحه أما لو تالف يمكن تغيير الكوبلن الداخلي بجديد أو استيراد  طبعا الرعشة في طارة الدريكسيون في السرعات ٩٠/١٠٠/١٢٠/١٤٠ ترصيص أما لو في السرعات البطيئة كاوتش أو جنط يعني ممكن تبقا في السرعة البطيئة وتطلع كاوتش أو جنوط ودي هتفضل موجودة حتي لو ممور العربية حتي لو بطلت ومشيت بقوة الدفع فقط صحيح لو في رعشة في العربية وانت واقف وطقة مثال في المنوال مع الطلعة وانت بتشيل رجلك من ع الدبرياج أو من عالN للD قواعد فتيس طبقا لما ذكرة ممدوح كوبلن خبير الكبالن 

مقالات ذات صلة

اترك رد