سيارات

إعرف سيارتك في الرخاء تعرفك في الشدة

كتب _ عبدالرحمن شاهين 

لو عملت كل دة هتطول فى عمر موتورك جامد
1- زيت الموتور ..
لو بتحط زيت 5 الاف يبقى الأفضل تغيرة عند 4500 و 4 الاف كمان
لو بتحط 10 الاف يبقى الافضل كل 9 الاف تغيرة
لو مسافرة سفرية جامدة بالعربية فوق ال 450 كيلو رايح و 450 كيلو جى
و لسة فاضل على الزيت اللى معاك الف كيلو او الف نص … سقطة و حط زيت جديد
و سافر بالعربية 
2- زيت الفـتيس اللي 3/4 الشـعب المـصري ماشي ورا افتكـاسة زيت الفتيس مش بيتـغير
لاء بيتغير و الله العظيم بيـتغير .. و الاحسن أنك تـغيرة كل 60 ألف كـيلو و الاحسن من كل دة انك تراجع كتالوج عربيتك هتلاقية بيقولك تـغيرة كل اد اية و هتلاقية بعض الشركات بتقولك العربية دي مش بيتغير ليها زيت فتيس ..
بس مش معني كدة ان كل العربيات مش بيتغير ليها لاء فية عربيات اة و عربيات لاء و كتالوج عربيتك هو اللي هـيقولك ..
3- البوجيهات… مش لازم البوجية يتاكل او يبوظ او سحب العربية يضعف عشان تروح تغيرة كـل 30 ألف كـيلو غير طقم البوجيهات 
4- عارف لو مدورتش العربية علطول و طلعت بيها و لله هتفرق فى اداء الموتور جامد … سخن العربية لمدة 10 ثواني بس لحد لما لمض الـ Check تفصل و بعد كدة اطلع بيها
5- فلتر البنزين … وظيفتة انة ينقى البنزين من الشوايب اللى فية عشان البنزين
يكون نضيف على قد ما يقدر و هو داخل على الموتور طبعا لو انت مش بتغيرة و مش مهتم بالفلتر دة …
البنزين بيخش بقرفة على الموتور و السحب هيقل و يضعف و العربية هتشرب بنزين كتير دة غير ان البنزين اللي في مصر مش بنزين اصلا … يبقي الاحسن ان الفلـتر دة يـتغير في السنة مرتين 
6- فلتر الزيت نفس الكلام و نفس الوظيفة بتاعت فلتر البنزين بس دة بينقى الزيت مش البنزين مفهاش حاجة لما تغيرة برضة كل تـغييرة زيت 
7- فلتر الهوا .. غيرة كل 20 الف
8- البوابة .. بوابة الهوا او الثروتل فكها كل 10 الاف كيلو و نضفها كويس و ركبها تانى
9 – اهتم بالطنابير و اتيال الفرامل و خليهم ديما ب احسن حالة .. عشان كل لما الفرامل يكون ادائها كويس كل لما هيكون الحمل على الموتور أخف و عمر الكاوتش يزيد
10 – سير الكاتية الكاوتش تـغيرة علي 50 الف كيلو و لو استهلاكك للعربية كتير يبقي كل 40 الف أضمن و الجنزير مش بيـتغير غير علي 120 – 140 الف كيلو
11- انك متنساش الـ 10 نقط اللي فوق و تنفذهم 
منقول الدال على الخير كفاعلة

مقالات ذات صلة

اترك رد

زر الذهاب إلى الأعلى
%d مدونون معجبون بهذه:

أنت تستخدم إضافة Adblock

برجاء دعمنا عن طريق تعطيل إضافة Adblock