سيارات

معلومات ذهبية عن بطارية العربية

معانى الحروف والرموز المكتوبة على البطارية

إعداد _ عبدالرحمن شاهين 

م/ رمضان ابوالنور يقدم ملف كامل عن بطارية سيارتك ويقول .. البطارية هى قلب المنظومة الكهربائية فى السيارة عشان كدا كام معلومة مهمة عن البطاريات

(1) عمر بطارية السيارة بيتاثر بفترة التخزين
ولضمان افضل اداء للبطارية عند شراءها يجب عدم مرور اكثر من 6 اشهر على تاريخ الانتاج ويكون تاريخ الانتاج مطبوع (محفور) على جسم البطارية
وعلى سبيل المثال (7D z11 c)
– 7 (اول رقم ) تعنى ان سنة صنع البطارية 2017
– و اول حرف (D) تعنى انها انتاج شهر ابريل
وتنقسم الحروف (A الى M) مع حذف i
لشهور السنة بالترتيب الابجدى
وباقى الرموز خاصة بالمصنع وخط الانتاج
.
(2) وبطارية السيارة زى بطارية الموبيل بمعنى انه لو جبت بطارية موبيل Samsung وركبتها على موبيل Huawei مش هتركب لاختلاف الابعاد والشكل .
ده بالظبط موجود فى بطاريات السيارة ليها تصنيف للابعاد (عرض وطول وارتفاع)
التصنيف ده اسمه (BCI Group)
لان البطارية بيكون مخصص ليها مكان الهدف منه الحفاظ عليها من الاهتزازات وكمان بيكون على اساس المكان ده محدد طول اوطاش (كابل) البطارية
فعند الشراء يجب الالتزام بنفس الابعاد للبطارية (ولا اكبر ولا اصغر)
.
(3) ومن التصنيفات والرموز المكتوبة على البطارية واللى من خلالها بيتم الحكم على اداء البطارية
– اول تصنيف سعة البطارية (AH)
وده التصنيف المتداول كثيراً بين الناس (زى ما بيتقال البطارية دي70 امبير او 80 امبير) وده معناه ان البطارية (لو 80)دى تقدر تمد تيار لمدة 20 ساعة قيمته 4 امبير
لكن التصنيف ده قديم وما يعتبرش مقياس حقيقى ان اقدر احكم بيه على البطارية
.
التصنيف الثانى المكتوب على البطارية (CCA)
وده اهم تصنيف للبطارية لان دورها الاساسى هو الامداد للمارش (السلف)بالامبير عند بداية
وده بيكون رقم (مثلا 540) وده معناه قيمة الحمل بالامبير اللى البطارية تقدر تمده للمارش عند درجة حرارة -18 مئوية ولمدة 30 ثانية لغاية ما جهد البطارية ينخفض ل7.2 فولت
وكل لما الرقم بيزيد ده مؤشر لقدرة اعلى للبطارية
.
تصنيف (CA)
هو نفس تصنيف (CCA) بس فرق انه بيكون عند درجة حرارة صفر مئوية
.
تصنيف السعة الاحتياطية (RC)
وده مقياس لاداء البطارية فى حالة الطوارئ لو حصل اى مشكلة فى منظومة الشحن -الدينامو- (فى موديلات مثلا زى هيواندي ماتريكس فيها سير الدينامو لوحده ممكن ينقطع وانت على الطريق) بيكون التصنيف ده البطارية تقدر تمد امبير قيمته 25 امبير لمدة كام دقيقة
يعنى لو مكتوب على البطارية (RC 90) معناه ان البطارية تقدر تشغلك لمدة ساعة ونص بامبير قيمته 25 لغاية ما جهد البطارية ينخفض ل 10.5 فولت .
.
(4) ومن الصيانات الدورية اللى تقدر تعملها بشكل مستمر لفحص البطارية هى عدسة البطارية بتكون عبارة عن عدسة بيظهر فيها 3 الوان كل لون بيدل على حالة شحن البطارية ومكتوب على البطارية كل لون معناه ايه (لو اخضر يبقى البطارية بحالة جيدة من الشحن ولو اخضر غامق قريب من الاسود يبقى البطارية محتاجة شحن ولو ابيض او اصفر معناه ان البطارية محتاجة تتتغير)
.
(5) ولو لقيت املاح على اقطاب و اوطاش البطارية اسرع وافضل طريقة تنظفهم كانز بيبسى وفرشاة اسنان هيتم تفريغ البيبسى البطارية مع استخدام فرشاة الاسنان فى ازالة الاملاح

مقالات ذات صلة

اترك رد

زر الذهاب إلى الأعلى
إغلاق
إغلاق
%d مدونون معجبون بهذه: