سيارات

“أوبل أسترا” تئن من مماطلة الوكيل وتراخي الشركة الأم

محركات موديل 2019/ 2020 بها عيوب صناعة

كتب _ عبدالرحمن شاهين  

قد يتبادر الي ذهن الكثيرين أننا ضد جماعة ما بعينها ولكن الحقيقية نحن مجرد نافذة لصوت المستضعفين

وصوت من لآصوت لهم . السيارة هي حصيلة مشوار كبير قطعة صاحبها يجمع فية النقود من إتجاهات عدة

علي أمل أن يستريح ويفضل شراء الزيرو عن المستعمل لينعم بعدة سنوات بعيدا عن الصنايعية ومشاكلهم

وإضاعة الوقت والجهد والنقود ولكن سرعان ما تذوب أحلامهم وتنكسر قلوبهم علي أعتاب الوكلاء  نحن لآ ننكر

أن هناك وكلاء علي أد المسؤلية ولكن نلفت نظرهم الي أن الوكالة ليست أن تأتي بسيارة وتطرحها في

السوق بدون أن توفر لها قطع غيار كاملة بمعنى الكلمة ولكن أن يطلب العميل قطعة الغيار وينتظر بالشهور

حتي تاتي من الخارج هذا هو مربط الفرس .. العملاء أمانة في أعناق الوكلاء الذين تركوهم في مهب الريح

ليستريح كلا منهم علي الجنب اللي يريحة بلا رحمة ولا شفقة تعالوا نشوف حكاية من حكاوى ( إسأل مجرب

ولا تسأل وكيل )

"أوبل أسترا" تئن من مماطلة الوكيل وتراخي الشركة الأم "أوبل أسترا" تئن من مماطلة الوكيل وتراخي الشركة الأم "أوبل أسترا" تئن من مماطلة الوكيل وتراخي الشركة الأم

الأستاذ ماريو بيحكى قصتة وكلة ألم وإحتقان من أفعال الوكيل وبيقول … انا عندي مشكله مع منصور في

العربيه اوبل استرا ٢٠١٩ ماشيه ١٤٤٠٠ كيلو فيها عيب صناعه في الموتور وصياناتها كلها  معموله في التوكيل

العربيه في التوكيل من تاريخ ٢٠/٥ الوكيل رد عليا بعد اكتر من ٣٠ يوم ان جاله موافقه لتغير الموتور و مطلوب

منى امضي اقرار علشان اغيره والتغير ده هياخد علي الاقل شهر ان مكنش اكتر والاقرار مش محدد فيه مده

معينه سألتهم طيب انا عايز تعويض علي المده المتضرر فيها من غير عربيه او عربيه بديله لحد ما العربيه

تخلص قالولي ده في حالة عدم توفر الموتور في المانيا و رفضوا لما سألتهم طيب انا دلوقتي هاخد ضمان

علي الموتور الجديد فقالي مفيش ضمان و ان ضمان الموتور من ضمان العربيه يعني لو الموتور باظ تاني بعد

سنه و نصف انا كده ممعيش اي اثبات يديني حقي مع العلم ان فيه عربيات كتير ٢٠١٩ و ٢٠٢٠ فيها مشكلة

عيب صناعه في الموتور ومنهم واحد بعد ما غير الموتور باظ تاني فوارد جدا الموتور يبوظ تاني بعد تغيره

ساعتها هيكون ضماني خلص و مليش اي حق طبعا قلتلهم اني عامل شكوي في حماية المستهلك واني من

حقي عربيه جديده لانها تعدت المده القانونيه ٣٠ يوم كان الرد بتاعهم ان حماية المستهلك مش هتعملك حاجه

غير لما ترجعلنا واحنا اللي نقرر !!!!! معرفش هما بيقولو كده علشان هما اكبر من حماية المستهلك وان

القانون مش بيطبق علي منصور ولا ايه !!!

طبعا كلمت خدمة عملاء منصور اكتر من ١٠ مرات طلبت منهم تقرير كتابي من ساعة ما العربيه دخلت الوكيل

١٩/٥ طبعا من غير اي رد و كل مكالمه يقوليلي يومين و نرد عليك !!! وانا عامل شكوي في حماية المستهلك

برقم ٧٧٤٤٥١ لاستبدال العربيه لانها تعدت الفتره القانونيه المذكوره في الماده ١٨ للائحة التنفيذيه لحماية

المستهلك . ومفروض الشكوي توجهت لرئيس حماية المستهلك لاتخاذ القرار بس لسه محدش رد عليا لحد

دلوقتي مع ان القانون واضح و صريح بتغير العربيه باخري جديده في الماده ١٨ من اللائحة التنفيذية هتلاقو في

صور فيها عينه من ناس بتشتكي علي نفس عيب صناعة موتور اوبل استرا ٢٠١٩ و ٢٠٢٠ مع صوره من الماده

١٨ في اللائحة التنفيذيه

ولكن ها قول إية خير ما يقال فى مثل هذة الحالة هو ( حسبي الله ونعم الوكيل )

 

“أوبل أسترا” تئن من مماطلة الوكيل وتراخي الشركة الأم

"أوبل أسترا" تئن من مماطلة الوكيل وتراخي الشركة الأم

https://www.youtube.com/channel/UCv_269CRv2dq7qff2p1RH0w

مقالات ذات صلة

اترك رد

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock