سيارات

“مرور السلام” إبرز محفظتك تنجز مصلحتك

شعار مرور السلام ( إدبح ياذكى إدرة ... إسلخ ياذكى إدرة )

إعداد _ عبدالرحمن شاهين

إستغاثة مواطن بريء ذهب لترخيص سيارتة عادى جدا ولكن ما يحدث فى المرور يجعلك تخرج بشعورك عن المألوف .. يوم المرور أو الذهاب لتجديد رخصة سيارتك وفحصها يعتبر من الأيام الصعبة واللى كل الناس بتكرة ذلك اليوم لأن الداخل مفقود والخارج مولود وتعالوا نشوف حكاية مواطن فى مرور السلام بيحكى ويقول .. 

انا كنت في مرور (السلام) النهاردة بجدد الرخصة  و رايح و معايا شنطة الإسعافات و المثلث و القمع و الفيست الفسفوري و هناك اتفاجئت اني لازم اشتري غيرهم تاني إلى جانب بطاقة خدمات و كوبونات تخفيضات تابعة لبنزينة وطنية مع العلم ان هناك لافتة واضحة و كبيرة داخل المرور بتوضح أن شراء هذه الأغراض اختياري و ليس إجباري من ناحية أخرى ضابط الفحص لا يوقع على اورنيك الفحص بعد التأكد من وجود إيصالات شراء لهذه الأغراض(مش عارف لية ) ثمنها 590جنيه.. و أثناء تسليم الأوراق و على الشباك اكتشفوا الاكتشاف الرهيب و الكبير وهو أن الملف بدون حافظة.. حاضر اروح اشتري حافظة وقتها اكتشفت اكتشاف أكبر من اكتشافهم و يعادل أكبر اكتشافات القرن الواحد و العشرين وهو ان حافظة الملف ثمنها 250جنيه و مع الحافظة ام سوسته علبة فيها جوانتي و كمامة و ازازة ميه بأسيتون المفروض انها كحول😊
هو المرور ده ملوش ظابط ولا رابط ولا السادة الضباط و الموظفين و الأكشاك (الشركات) لما راحوا اشتغلوا وفتحوا داخل المرور فهموهم انهم شغالين في الكويت مثلا!! ولا احنا اللي رخاص و دمنا مستباح غصب عنا و نشتري شوية زبالة كل سنة و اللي مش عاجبه بدون نقاش يطلع برة زي مكان السادة الأمناء اللي واقفين مع الضابط تحت الشجرة بالأمر و بررررة…. هو في ايه علشان اعرف و اعمل حسابي بعد كده  علماً بأننى ضد تكسير اللوائح و القوانين و زي ماعندي واجبات كذلك لي حقوق.. وحسبي الله ونعم الوكيل في كل من يستحل فلوس المواطنين… برجاء المشاركة على أوسع نطاق ليصل صوتنا إلى المسؤولين

مقالات ذات صلة

اترك رد

زر الذهاب إلى الأعلى
إغلاق
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock
%d مدونون معجبون بهذه: