بقلم عماد الدين العيطة

الحصول على لقب .. مولانا

بقلم : عمادالدين العيطة

زعلوا منى علشان من يوم ما كنت واقف ع المنبر وعملت خطبة الجمعة بعنوان

إبتسامتك فى وجه أخيك صدقة ، وسألت هما ليه كتير من شيوخ المساجد دايما

مكشرين فى وش الناس ، دا حتى بره الجامع يبقى وشك فى وشه ومايقولش السلام

عليكم ولاحتى يفرد وشه ولو سلمت إنت يرد من تحت ضروسه ، دا إذا رد ، زعلوا منى

علشان بقولهم إنتم قدوة وحثوا الناس على تقديم الصدقات كونوا دعاة بأبسط الطرق

بالإبتسامة ، دا حتى البخل مش من صفات المسلم ، بس مع الأسف إنتم وصلتوا لهم

《 إِنَّ الْمُبَذِّرِينَ كَانُوا إِخْوَانَ الشَّيَاطِينِ ۖ وَكَانَ الشَّيْطَانُ لِرَبِّهِ كَفُورًا 》بمفهوم صح لكن

إحساس غلط ، فكتير فكر إن البخل نعمة ، زعلوا علشان بأقول الحق وأنا ع المنبر ،

قريت ف عنيهم كده ، لكن لسة مصمم ع الحق ، ماهو الحق سبحانه هو اللى وقفنى ع

المنبر ، إزاى بقى أنكره وهو سبحانه ماأنكرنيش ووفقنى ووقفت على منابر كتير وبقت

فى المرحلة دى شيخ معروف ومحبوب إلا من الشيوخ ، شيوخ المساجد يعنى ، من

ضمن عشرات المواقف واحد يوقفنى يقوللى أنا فى الحرم عملت زى ماإنت قلتلى

وكمان دعيتلك دعوتين مش هاقولك الأولى علشان تكون من حدك ومن نصيبك أما

التانية فهى إتحققت وبقت من حدك خلاص ، قاللى : قولت يارب أشوفه تانى وأقوله ،

وأفرحه وأهو أنا شفتك رغم إنك متعرفنيش على فكرة الفرحة هى إنك تفرح العباد اللى

زيك ، يمكن يكونوا أحسن منك بس إنت بالنسبالهم فرحة

 

 

 

الحصول على لقب .. مولانا

الحصول على لقب .. مولانا

 

https://www.youtube.com/channel/UCv_269CRv2dq7qff2p1RH0w

مقالات ذات صلة

اترك رد

زر الذهاب إلى الأعلى
%d مدونون معجبون بهذه:

أنت تستخدم إضافة Adblock

برجاء دعمنا عن طريق تعطيل إضافة Adblock