سيارات

بالصور . أوبل جراند لاند بين الإنبساط و الإستعباط

إعداد _ عبدالرحمن شاهين

نعم الحفاظ على القمة أصعب من الوصول إليها كلام سليم ولكن العملاء  حائرون تائهون يفكرون هل هذة هي خدمة ما بعد البيع لسيارة من سيارات الفئة الأولي سمعة وتاريخ وأموال مدفوعة بالألاف ولكن ما يحدث شيء مؤسف بكل المقاييس لآ ترضى عنة الشركة الأم ولآ الوكيل ولآ الموزع الحصري إن ما يحدث في مراكز الخدمة من تهاون وتراخي وإستهتار بالعملاء يجعلنا نقول  إذا أردتم أن تحققوا نسب مبيعات وتجنوا الأموال وكلة يبقى على الرايق يبقى لآزم يامان تصحى وتفوق وتسعى جاهداً لإرضاء العملاء ومن غير كلام كتير تعالوا نشوف شكوى أحد المجربين من غير رتوش ولا تننتيش ؟؟؟!!!

الأستاذة / نور سامى وبكل ألم وحزن تتحدث وتروى قصتها وتقول … انا عارفه ان كلامى مش هيرجعلى حقى بس ده تحذير لاى حد بيفكر يشترى عربيه يبعد عن اى حاجه تبع اوبل لأنها عربيات موت بجد غير عيوب الماتور السوده اللى بيخبوها لحد ما ظهرت كلها انا اشتريت اوبل جراند لاند فى اخر شهر 3 زيرو ولسه كنا خرجين فى يوم 6/7 مشوار بالليل سمعنا صوت طقطقه والعربيه بتتحرك كان العداد 362 كيلو فقط اتصلنا بالتوكيل وبعت الونش تانى يوم .

وهناك عرفنا ان فيه مقص مكسور عيب صناعه وغيروه هل يعقل عربيه زيرو تعمل كده خلاص اكشفوا على العربيه واعملوا فحص كامل لها عشان اطمن ان مفيش عيب صناعه تانى رفضو وقالوا امر الشغل طالع بالمقص بس رجعنا وبرضو لسه قلقانين اتصلنا مرتين تانى نطلب الفحص ونفس الرفض المهم يوم 17/7 يعنى تقريبا بعد تغيير المقص بحوالي 10 ايام .

مكناش خرجنا بالعربيه خرجنا مشوار ضروري واحنا راجعين العربيه فجأه حصل فيها خلل أدى إلى انحرافها فى الاتجاه الأيمن واصطدمت بالحاجز وارتدت إلى الشمال ثم انقلبت السياره و خرج الماتوره بشكل غريب نحمد الله ان السيارات القادمه لم تصادم به .

طبعا كل ده فى لحظات وبعد خروجنا من المستشفى اتصلنا بالتوكيل طبعا تهرب من المسئوليه وعملنا شكوى فى حمايه المستهلك ومنتظرين الرد انا كاتبه البوست تحذير للناس لان الوكيل المصرى من المؤكد انه يتلاعب فى المواصفات غير التعامل السئ جدا مع العملاء ده صور للحادث

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock