اجتماعية

مساكن زهراء مدينة نصر تئن من البلطجية ومدمني المخدرات

مدينة سكنية لظباط القوات المسلحة اصبحت وكر لتعاطي المخدرات و الخمور

إعداد _ عبدالرحمن شاهين 

إستغاثة مواطنة وكلها حسرة  وألم  وبتقول .. تحت شباك اوضتي مش حد حاكيلي انا شايفة و سامعة بنفسي فضلا عن حمل السلاح بانواعه . و الفاظ مخلة بالاداب و سب الدين . و بلطجة مالها اول من اخر
و اشتكينا كتير في صندوق الاسكان .. و لا حياة لمن تنادي ؟ 
بل تم حرماننا من الامن و لم يعد يتواجد منهم احد في الشارع لا ليل و لا نهار
و الحجة مش شغلتنا بلغوا الداخلية
و الداخلية لا تتدخل في مساكن الظباط
و كانت تسير دوريات من الشرطة العسكرية و الداخلية اختفت هي كمان ؟ 
و بعدين نفسي اسيب المكان الموبوء ده بس الامكانيات لا تسمح . نستنى لما نتقتل و الا ايه عشان حد يتحرك
نبلغ مين يسمعنا و ياخد اجراء ؟
فين الامان للستات و البنات انهم يمشوا من غير ما يشوفوا ازايز الخمور و سرنجات المخدرات مرمية تحت عمارتهم
مين يضمن انهم هيكتفوا بكده . مش هيكسروا العربيات او يهاجموا الشقق . و الحجة اصل فيهم ولاد ظباط
مش فاهمة هل ده معناه انهم معاهم حصانة اجرامية و الا ايه . ابن الظابط اولى باحترام مهنة ابوه
مش يستخدمها ستار لاجرامه . بجد فاض بينا ؟!
مش عارفين حتى ننام . لان المزاج بيجي من 1 ص لحد الشروق
نسمع كل يوم وصلة من اقذر و ابشع الالفاظ و الاصوات
و امبارح رفعوا سلاح على بعض و اخرتها 😡
حسبي الله ونعم الوكيل 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock