بقلم عماد الدين العيطة

فى عنبر العقلاء يكتبها :عمادالدين العيطة

•• فى عنبر العقلاء .. أبحاث

ومش كل العقلاء عاملين دراسات و أبحاث فيه ناس بيعتمدوا ع الإحساس والحس

الذكائى عندهم لاقط هوائى بس له أساس ، المهم دخل واحد غبى و محتاس ودماغه

مقفوله بترباس وواهم الناس إنه بيفهمها وهى طايرة وبإيده يوقف المركب السايرة

ويحل مشاكل الناس وكمان يجوز البايرة ويفتح المسدود وقف وقال : أنا فكرى مش

محدود وحساباتى كلها جارية ، أنا واحد م الأسود وبغير المود حسب اللى موجود

فى العنبر ، ما أهو أخينا اللى مش م العقلاء مفكر إن اللى فى العنبر شايلين عقولهم

ومركبين مكانه شنبر وأول مادخل العنبر وقف قدام أول إختبار بيحدد الفرق بين الذكى

وبين الحمار وبين اللى فكرهم مسجون وأصحاب الفكر الأحرار ، وكان الإختبار صورة

متعلقة ع الحيطان عليها أبو قردان وتحتها مسودة وأسئلة جاحدة وأهم سؤال .. ليه

أبو قردان واقف على رجل واحدة ، مرة يقول علشان تحت رجله بقع ومرة يجاوب غلط

ويقولوا له يابلط ياأبو عقل زلط كل إجابة غلط بتزود عقلك بقع ، و لما إتفقع قالهم غلب

حمارى أنا طلعت غبى وإنتم العقلاء وأصحاب الدهاء وحد منكم ينطق ، رد واحد م العقلاء

قال له بالمنطق يابنى خيبان قبل ماتتفقع .. أبو قردان واقف على رجل واحدة علشان

لو شال التانية هيقع

 

 

فى عنبر العقلاء يكتبها :عمادالدين العيطة

فى عنبر العقلاء يكتبها : عمادالدين العيطة

https://westelbaled.com/

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock